女大班恒生銀行副董事長兼行政總裁梁高美懿（Margaret）就揀咗多啲同同事溝通，仲話識同同事分享嘅領袖，先會令人信服喎。

睇番Margaret個網誌，先知佢又繼續早前嘅落區旅程，去到荃灣分行探班，同前線員工傾吓偈之餘，仲同佢哋一齊去酒樓食晏，交換對美食嘅心得。有員工知道女大班到訪，仲特登親手做心意卡，氹得Margaret好開心。有人可能會質疑，呢種溫情表現，不過係大家做場大龍鳳啫，不過「魔鬼總在細節出現」呢句說話實無錯，只要睇真啲就知係「真和諧」定「假河蟹」。

今次網誌有張Margaret同班前線女員工嘅合照，排排企之餘，佢哋仲好似返番去中學年代咁，個個都手翹手，一睇就知佢哋真心尊敬呢位女大班，睇嚟Margaret嘅強化向心性策略，的確幾成功。