鄭女士習慣每星期前往將軍澳游泳池暢泳舒壓，更特別選擇在下午六時半至七時半的暫停開放時段前入場。鄭早前如常在主池游泳，當游至泳池中央時，突有救生員拉水線，鄭即時被繩子纏頸，「真係嚇死，當時連氣都抖唔到，係咁掙扎，好彩甩開條繩，直情係死過翻生！」

將軍澳游泳池早前險發生拉水線纏頸意外。

放大圖片

鄭事後發現原來救生員提早拉水線，準備向租用團體交場，「嗰陣時先六點三，明明六點半先暫停開放？點解明知有人仲游緊水都照拉線？」

記者實地視察期間，發現將軍澳主池共有十條泳線，平日只會拉出六條水線分隔泳道。及至六時十分，原坐在泳池邊的救生員突然急忙走向泳池，並以兩人一組放下三條水線，不足三分鐘已完成拉線工作，惟拉線期間水線不斷在泳池擺動，更不時在泳客身旁掠過，險象環生。

康文署發言人解釋，為方便準時將場地交予租用人士使用，救生員會於六時許、當泳客陸續離開時便會拉水線。至於就拉水線期間令鄭女士受到影響一事，發言人已向當事人致歉，訓示有關救生員的同時，亦已提醒所有泳池員工，拉水線時必須確保泳客安全。

貪方便草菅人命

「好多人都覺得泳池有救生員，安全啲先去游水，點知康文署為求方便，都唔理佢哋嘅安全，第日仲邊有人敢去泳池？」立法會議員陳克勤直斥康文署做法草菅人命，未有顧及泳客安全，建議康文署提早清場，或利用租場時間首五分鐘拉線，以減少意外，「既然救生員可以咁快就拉好線，咪清咗場先拉，都唔會阻好多時間啫！」

港九拯溺員工會總幹事郭紹傑表示，未待泳客離開泳池便拉水線，屬康文署一貫做法，「因為時間緊迫，租場嘅團體只得一個鐘可以用，所以救生員都會喺未清場就拉水線。」郭認為方法雖沿用多年，但未必安全，「以前冇發生意外，並唔代表呢個方法一定安全，最好梗係清場之後先拉線啦！」