一拍即合

有消息指美國成人工業出現青黃不接之斷層現象，最主要原因係時下脫星欠缺「星味」，未能學似以前啲一線脫星咁獨擔大旗，加上經濟未回穩，經理人公司都唔願投資喺脫星身上，假如旗下脫星嘅四仔唔賣得就要即走。惡性循環，受害嘅當然係脫星本人，惟有死慳死抵食老本等機會。但等還等，佢哋唔買唔玩都要食飯，要解決必定要靠外快。美國一直有中介公司睇中夾心脫星想賺快錢嘅心態，一方面以旅行團之名招客，另一方面就游說脫星陪瞓，結果一拍即合！

陪食陪瞓

原來夾心脫星要搵食一啲都唔難，因為中介公司會主動聯絡佢哋了解佢哋興趣，通常脫星肯做，即日就可以有工作，至於工作範圍離不開伴遊服務，包括陪玩陪食陪瞓，導遊費由中介人按知名度開價，假如脫星同意就可以先收一半訂，餘下嘅就當交易結束時收取，之不過有消息指，近期本地團客已甚少，事關美國本土人都搵唔到食，反之歐洲已成最大客源，尤其英德兩國簡直係豪客添！

有公司職員喺網上爆料指，不少德國人愛玩純種美國妹，特別係性技出眾嘅囡囡就最啱胃口，真係多多錢都願意使，所以脫星就最啱佢哋！由於德國妹都大件頭，佢哋想試試較細粒嘅美國妹，加上脫星床上主動豪放，一上床零舍好玩！

長做長有

呢盤生意可以話長做長有，達三贏局面，首先夾心脫星等錢使，歐洲玩家又捨得使錢，中介公司又搵到食，之不過夾心脫星並唔係任何人客都願意接，有脫星就話：「試過一次公幹到英國，對方係一名投資顧問，出發前透過中介人公司視頻會議，雙方作初步了解，對方亦表示交易過程會帶我去豪飲豪食豪玩，同講明發生甚麼程度嘅性關係。但到達目的地後，任何高級餐廳我都未曾去過，一日到黑留喺酒店發生性行為，結果第三日我就離開。」由於當事人違約在先，所以收唔到尾數，但現時脫星亦好小心，事前必會了解清楚，不過數到最受歡迎，就係一啲兩日一夜嘅短途旅程，有脫星話仲好搵過拍四仔！

撰文：祖