食肆阻街不但影響衞生，更衍生噪音問題，擾及居民安寧。葵涌大隴街有食肆常於晚上九時後佔用店外行人通道，擺放枱櫈擴展營業，「晚晚都擺幾張枱出嚟，當正條街係自己嘅舖頭！啲食客又大聲傾偈嘈到拆天，唔通真係無王管？」梁先生不滿食物環境衞生署未有執法，令居民居無寧日。
「店舖非法擴展營業肯定係違規，食環署應該早晚都去巡吓，唔係夜晚收咗工就話之你！」立法會食物安全及環境衞生事務委員會委員王國興批評食環署執法寬鬆，未有嚴加執法，令食肆阻街情況日趨惡化，隨之衍生噪音滋擾問題，亦令居民「晚晚冇覺好瞓」。
食環署發言人表示，經派員巡查已檢控有關店舖負責人，及飭令將阻街物品收回店舖內，該署會繼續留意上址情況及採取行動。