街市攤檔霸佔通道無日無之，連上落貨區亦成侵佔地帶。牛頭角街市有生果店近日生意「愈做愈大」，連毗連店舖的上落貨區亦闢作攤檔伸延範圍，令經常在上落貨區處理貨物的梁先生怨聲載道，「依家直情將上落貨區變埋舖頭，阻住晒我哋上落貨，次次投訴完又照擺番！」
食物環境衞生署發言人證實，有檔戶將貨物長時間擺放在上落貨區，已警告檔戶並着令即時移走貨物。覆查時發現檔戶再將貨物擺放在上落貨區造成阻礙，已即時檢控及勒令將貨品移走。
「成日都話勸喻同票控，根本就冇用，如果個檔主唔理，食環署係咪要再諗吓其他更有效嘅方法對付佢？」當區區議員陳國華指牛頭角街市屬舊式街市，攤檔阻通道情況嚴重並持續已久，食環署多年來一直未能根治問題，認為有必要改變策略。