梁太話收緊按揭唔實際

Ann蔣話，隻錶係奶奶送嘅，錶款已有幾十年，好有紀念價值，有錢都買唔到。王太亦遞起玉手展示手錶，原來隻錶購自一家古董傢俬店，最特別之處係錶肉設計，只要翻一翻，白色錶肉就會變成黑色，配襯唔同顏色衣着都得，啱晒鍾意天天新款嘅名太。Ann蔣同王太各有品味，呢鋪叮噹馬頭，難分高下。

名錶令女人心醉，事業有成都令女人容光煥發。恒生女大班梁高美懿尋日亦有現身馬場，講起政府收緊豪宅按揭，梁太話對銀行按揭生意影響唔太大，因為買得起豪宅嘅有錢人好少搵銀行做按揭，今次金管局出招，係姿勢多過實際，最緊要係提醒小市民，入市都要小心啲。