囉唆咗咁耐，只係想講一句：你平時的言行最能代表你一生的性格。好似煲呔曾，為何一般時事評論員都覺得他高傲而不親民、剛愎自用而不肯平心靜氣察納民意？

講起又係一匹布咁長。煲呔曾最經典的一句：「我嘅意見就係代表香港人嘅整體意見。」呢啲就係秦始皇上身咯。是以視察大澳水災要乘直升機，幾威！明知擴大問責制劣評如潮，牛頭角順嫂都知係浪費公帑，賣魚勝用詞粗鄙些，就話「法國大餐——多舊魚」，再挑吓牙，噴多句：一年使多六、七千萬，用來幫助吓啲窮人好過啦，就算撥畀食物銀行，你話可以買多幾萬箱午餐肉啊！然而，煲呔曾這位政治家，就是不管甚麼民意，慳電膽風波未平息，又再委任公務員出任副局長，吹咩？

真正的政治家要有危機意識及懂得反省，像春秋時期的政治家、思想家晏子，有趟在街上碰到個漂亮女孩，女孩說：我爸出事了，你行行好幫他一把，事成，我陪你睡覺。晏子不禁長嘆：我竟給人家如此壞的印象，要不怎麼會以為用女孩陪我睡覺就可叫我幫忙，我的人格這麼低嗎？

煲呔曾欠的就是晏子的內省，是以管治水平每下愈況，未能取得「政治家」身份證。