25/10/2009

播放本新聞相關短片

政情：唐英年口窒窒心有鬼？

繼慳電膽政策明益親家醜聞後，煲呔曾最近又被踢爆佢細佬曾蔭煊嘅太太係雷曼苦主，仲早於今年四月獲回購賠償。前日煲呔曾透過特首辦出聲明，死口話自己從無幫個別人士向銀行追討，今年農曆新年知道細佬做咗苦主後，已知會各司局長。署理特首唐英年尋日出席地區活動時承認，煲呔曾幾個月前喺一次政府內部會議上提及過呢件事，不過唐英年開口嗑着脷，第一句想話煲呔曾已經發咗聲明，點知口窒窒好似黐脷筋，莫非佢都心中有鬼、言不由衷？