話說大埔區多個公共屋邨，大部分已被建制派攻陷，唯獨富善邨仲係白鴿黨兩名區議員嘅地頭，皆因建制派候選人過去兩屆選舉都挑戰失敗，所以學明就用立法會議員身份帶個新人殺入白鴿黨巢穴，望打破多年來屢攻不破嘅宿命。尋日開幕禮除咗醒獅及鳴炮外，仲切咗六隻燒豬添。

近兩年不斷傳出發叔做埋呢幾年主席就搵人接棒，尋日聽學明致辭都聽出多少意思，佢話：「作為我自己，已經五十到尾，六十出頭，我哋呢代人要講承先啟後，承先係劉皇發前輩過去取得嘅成果，要好好將個波接過來，然後發揚光大，啟後就培育後人……」莫非鄉議局主席個波真係學明去接？