颱風巨爵早前襲港，令深井釣魚灣沙灘堆滿隨風而至的垃圾，負責清理的食物環境衞生署竟然「清啲唔清啲」，清理半個沙灘後便不顧而去。馮先生指堆滿半個沙灘的垃圾歷時兩星期仍未處理，「我都唔明點解掃垃圾都可以掃一半，打電話投訴又冇人理，食環署到底係咪負責執垃圾㗎！」
食環署發言人回應查詢時表示，風暴後沙灘有大量垃圾堆積，需在兩星期內分批清理。
不過，當區區議員陳偉明卻踢爆食環署清理垃圾「未盡全力」，「政府分工好奇怪，成個釣魚灣沙灘由幾個部門負責，但係食環署管理嗰部分就最污糟，垃圾清得最慢！」陳指食環署鮮有派員清理沙灘，經常在接獲居民投訴後才派員清理，建議食環署須每天派員視察沙灘狀況，並於有需要時增派人手清理垃圾。