20/10/2009

播放本新聞相關短片

政情：劉健儀余若薇齊插煲呔曾

煲呔曾推慳電膽消費券被指益親家，各界批評之聲此起彼落，最初力指事件不涉及利益輸送嘅自由黨主席劉健儀，尋日就將事件聚焦在政策身上，批評政府唔可以為咗推動環保而將成本轉嫁畀市民，最終加電費可能得不償失，叫煲呔曾最好暫停計劃。公文袋余若薇就話，煲呔曾在立法會錯誤指泛民主派展示嘅標語文法有錯，但事後又唔肯承認錯誤，反映佢性格有缺陷，佢哋一早建議將慳電膽消費券擴大至其他環保產品。咁多人輪住嚟插煲呔曾，莫非佢仲想繼續死撐落去？