自由黨主席劉健儀（Miriam）都話好關注，尋日趁政制及內地事務委員會喺立法會召開施政報告政策簡布會，質詢該局局長林瑞麟，問佢如何規劃香港館，有幾大信心可以展現到香港特色。

Miriam同政府翻舊帳，話十‧一花車劣評如潮，都係多得林D9轄下嘅駐京辦，如今林D9又揸旗搞世博會香港館，會否又成為笑話呢？林D9解畫時，將個波推咗畀新聞處，話上次架花車係由新聞處負責批出設計合約，駐京辦只係按合約交由承辦商製造；今次香港館嘅設計就係透過比賽產生，香港班著名設計師都有份組成評審團，變相為世博香港館寫包單。香港館預計明年三、四月就會面世，到底是龍是鳳，好快就揭曉嘞！