煲呔曾推慳電膽政策明益親家，搞到廉政公署要查佢，簡直係自作孽！全國人大常委范徐麗泰尋日返去佢服務過十六年嘅理工大學，接受榮譽社會科學博士，大家都問佢點睇煲呔曾益親家單嘢，素來字字珠璣嘅范太，就滋油淡定咁話：「初初我睇報道嘅時候，我都覺得有啲驚訝，後來易地而處、諗深一層之後，覺得其實我哋姻親係做緊啲乜嘢事，我都唔係好清楚。」加上申報制度只係要求申報自己本人同直系親屬嘅利益，佢話即使煲呔曾諗得到，亦未必會申報。