基層民生聯席發起的「情義互助生活易」計劃，至今共二百五十個家庭曾經參與。聯席上月訪問了九十個有份參與計劃的家庭，四成六人說參與計劃後有助減輕生活開支﹔受訪家庭從計劃中節省最多金錢的是買白米，其次是廁紙及食油。

有參與計劃的香港仔區街坊盧玉珍狠批，雖然聯席發起自救行動慳錢，但曾蔭權的施政報告中派發慳電膽現金券政策，再次推貧苦大眾落深淵，「唔通送兩個慳電膽可以照晒成間屋﹖」

她續轟，換慳電膽後加電費無疑將市民推落深淵，「送一百蚊慳電膽，但電費加咗就唔會減番，咁即係要我嘔凸啦！施政報告一啲都幫唔到我，反而增加咗我負擔。」

促訂長遠具體扶貧措施

另一位居住荃灣的鄧裕強批評該政策不知所謂，「換慳電膽就要改晒屋企啲電掣同電線，咪增加好多開支。」

七十五歲獨居荃灣的余婆婆僅靠一千多元傷殘津貼及子女給的家用過活，生活逼人，她亦怒斥該政策「唔係益市民係害市民，港府完全忽略基層市民嘅生活」。

聯席建議港府制訂長遠而具體的扶貧措施，包括支援全港各區在職基層人士交通津貼、全港公屋免租三個月或減租及資助家庭上網費用等，藉以改善基層生活質素。