煲呔曾大鑼大鼓話嚟緊《施政報告》集中講六大產業，不過有份幫手寫《施政報告》、研究六大產業發展潛力嘅中央政策組首席顧問劉兆佳尋日就喺電台節目潑冷水，講到明「六大產業唔可能喺十年、八年內對香港有好嘅經濟推動作用」，所以現階段都係靠四大支柱撐住，即係叫大家唔好期望過高，順便幫煲呔曾卸力。其實煲呔由○五年開始做特首，如果佢真係覺得六大產業咁好，早幾年就應該提出啦，依家先嚟講，分分鐘等到佢卸任都十畫未有一撇！