結果將於《東方》刊登

阿John又話，馬票勾起佢唔少兒時回憶，佢記得小時候每逢有大馬票推出都係社會大事，當時甚至連茶樓都有得賣，好多婆仔、細路仔會向茶客推銷馬票，原價每張兩元嘅馬票，佢哋會賣兩元一角，阿John諗起都忍唔住要讚佢哋有生意頭腦。為咗答謝馬迷支持，阿John尋日代表馬會向首十名買馬票嘅馬迷送贈花籃，佢亦做埋親善大使，好多馬迷爭相搵佢喺馬票上簽名，亦有馬迷上前同佢合照，阿John有求必應，幾乎變咗黃大仙。

大家要記住馬票售完即止，想買嘅市民，千祈咪執輸。十一月十五日，馬會將於沙田馬場舉行一百廿五周年盃，跑出頭馬嘅馬匹編號，若然同馬票上嘅馬匹號碼相同，該批獎券就會進行抽獎，結果會喺馬會網站公布，亦會於十一月十八日喺《東方日報》刊登，大家到時記得買番份喇！