十八歲被告翁路曲，報稱學生，無案底，他昨由大班朋友陪同到庭應訊。控罪指他在今年九月四日於粉嶺聯昌街及和豐街一帶，刑事損毀四部私家車及一輛輕型貨車（見表）。

「再畀損友埋身冇得傾」

裁判官昨對年紀輕輕的被告，因成績欠佳便飲酒感到驚訝，連番追問：「你好飲得咩，想借酒消愁？」又指被告「十八歲飲咩酒，學人飲酒扮大人，又唔見你啲朋友搞破壞，係咪想『演嘢』畀人睇，十一點仲喺條街度行……你啲咩損友，夜晚喺度大嗌喧嘩」。

裁判官最後認為被告因學業問題大受打擊始犯案，「你鍾意讀書，相信你都唔係曳」，故准他保釋候判，期間他須遵守宵禁令，亦須搬回家中與家人同住。裁判官不忘叮囑他，「再次畀損友埋身就冇偈傾！」

辯方求情指，被告就讀中五，父母年約六十歲，依靠綜援維生，被告則獨自居住。被告過往曾參與多項義工，惟案發時因成績欠佳，遂與同學一起飲酒，辯方指「被告唔係壞分子，只係唔識處理壓力，因而變成另一個人」。又指被告願意到粉嶺的菜欄做兼職，以賠償五名事主共一萬一千元損失。

被告昨亦於犯人欄內解釋，案發當晚與同學一起，「我哋有心事傾，飲多咗，阿爸成日罵我，我愈考愈差」，又披露自己成績欠佳，現已轉到次一級學校讀書，惟仍然「追唔上」。

案情透露，事發晚上十一時四十五分，一名途人目擊被告與四名少年於粉嶺聯昌街叫囂，被告更跳上一輛停泊街邊的私家車車蓋導致凹痕，又到和豐街連番踢毀兩部私家車及一輛輕型貨車的車門後，再返回聯昌街踢毀另一輛私家車的倒後鏡，途人報警將被告拘捕。

案件編號：FLCC 2947/2009