車仔麵乃無數港人熱愛的地道美食之一，在牛池灣貴池徑附近便有一間車仔麵檔日日其門如市。不過，傅先生發現有關車仔麵檔多年來一直無牌經營，只是當局未作取締，「間舖開咗好多年，不過好多人都唔知佢哋無牌，我都係同食環署投訴先知！」

店內陳設簡陋，且未有展示有效食物牌照。	食肆如證實屬無牌經營，食環署有權查封。 （資料圖片）	食客選擇配料麵食種類後會即時烹煮。

視政府無物 罰款當交租

雖然傅曾多次投訴，但車仔麵檔依然繼續營業，「食環署啲職員都話檢控咗好多次，但唔知點解間舖仲可以做落去，好似當政府冇到咁，唔通真係當啲罰款係租咁交？」

記者前往車仔麵檔了解時，從遠處已看到麵檔的大型招牌，麵檔更在門前擺放數以十計的各式配料，供食客自由選配。至於舖內面積則有限，僅可放置七張摺枱，但店內卻未有展示食肆牌照。

食環署發言人證實，上述車仔麵檔未持有食物業牌照，並曾多次提出檢控。根據有關紀錄，該署自○一年至今共向麵檔提出九十一次檢控。不過，發言人補充，由於該店位於寮屋區並有人居住，業權複雜，且未能確定業權人身份，根據法例不宜申請封閉令。地政總署則證實該店非法佔用四米乘一點五米的政府土地，已發出口頭警告。

議員斥縱容多年促封舖

不過，律師黃國桐稱，食環署有權對無牌食肆封舖，與業權無關，「食物不潔都要封舖啦，更何況係無牌食肆，幾時見過食環署封舖要查業權㗎？市民健康先最重要！」

「咁多年都淨係檢控佢哋，既然知道佢哋屢犯不改，點解唔加重刑罰！」立法會食物安全及環境衞生事務委員會委員王國興認為，食環署縱容無牌食肆長時間經營，大有失職之嫌。「如果市民食到唔乾淨嘅食物，後果可能好嚴重，其實食環署可以將行動升級，甚至即刻封舖！」

當區區議員何賢輝亦形容食環署的做法匪夷所思，「有咩理由佢哋淨係檢控，香港點解仲要有食環署？由得啲無牌食肆繼續經營！」

何坦言在獲悉有關麵檔屬無牌經營前亦曾經前往光顧，「依家先知驚，全港都唔知仲有幾多呢啲齋檢控、唔取締嘅無牌食肆，市民嘅健康真係好危險！」

記者 梁少儀