原本前日轉往養和醫院的賭王，有指因病情反覆，遂聽主診醫生意見，暫將轉院時間押後。據知，二房一直主張賭王轉院，目的是為他換上更舒適環境，安心養病，但最終考慮到賭王需在最穩定情況下轉院，急也急不來，一切有待醫生指示。

由於之前為轉院做準備時搬走不少物品，現在轉院押後，前晚九時多何超瓊通宵陪伴父親，亦要自備枕頭被鋪。豈料她昨晨十時離開時，發現有很多車輛堵塞門外，令其座駕未能駛至側門，她忍不住向保安黑晒面，還對記者說：「我冇嘢講，唔該！」逕自上車離開。直至黃昏她再到醫院，被問及賭王是否短期內轉院，她反問：「吓！你哋仲坐喺度？」

連日來不願提及賭王轉院的三太，昨午終於回應轉院一事，問到是否因病情反覆要押後，她說：「唔係反覆，（咁係咩？）係……」即時被友人拉走。晚上三太再到醫院時，再被問到賭王何時轉院時，她說：「未決定，仲諗緊，（因為養和醫院設備好啲？）又唔可以咁講，主要嗰邊地方大啲，（中秋後會否有決定？）其實仲係未定到。」