院方拒進行詳細檢查

雷均恒的父母及妹妹昨到醫管局請願並與局方代表會面，恒母不滿兒子上月首次到急症室求診時，院方只以維生指數正常為由，便拒絕為兒子進行詳細檢查，最後令兒子枉死。她不滿地表示：「以往太相信本港的醫療制度，但原來呢頭醫生話佢冇事畀佢出院，第二日佢個肺就花晒，叫我要有心理準備，我接受唔到。」她指摘當局，「曾蔭權話唔想有一個人因流感死亡，依家流感喺社區擴散，佢做咗啲咩！」恒母坦言，自本月六日阿恒去世至今，心情仍未能平復，「每日都食唔到、瞓唔到，一合埋眼就諗起佢最後講嗰句好辛苦。」

醫管局表示，需等候北區醫院完成調查報告再作跟進。北區醫院回應，主診醫生已多次與家屬解釋有關情況，對病人的離世亦致深切慰問。食物及衞生局局長周一嶽表示，市民需明白流感並非輕微疾病，間中會出現嚴重併發症及死亡個案。