側田昨晨接受電台節目主持人查小欣訪問時說：「曹格誤會我被我自己嘅朋友『蝦』，用兄弟身份撐我，所以出聲幫我，但我當時幫番自己個朋友解釋，最後導致我跟曹格嘈起交上嚟。」

另一名事件主角曹格，昨晚接受電視台訪問時則指，事前側田先到他下榻的酒店，其後一起到酒吧消遣。期間他發現有人對側田不尊重，「我見朋友受到欺負令我好忟，自己畀人蝦都無咁嬲。但當時側田話冇事，我同佢講咁好玩咩，人哋笑你，你咁都忍得。之後我就Lost（迷失）咗。」因而觸發了打鬥事件。

側田發脾氣：唔做娛樂圈啦！

不過，一位當時在場的人士透露：「側田同曹格成日都去嗰間私人studio Jam歌㗎，而側田最近自覺『金牌大風』對佢唔好，覺得公司好混亂，已經好唔開心，而嗰晚佢又因為飲大咗，一度喺現場發脾氣話『唔做娛樂圈啦』！咁啱佢聽到同場Jam歌嘅曹格，打鼓打到Off Beat，側田借題發揮，衝上台指曹格打鼓『打成咁㗎……』，繼而引發衝突。」

不過，該人士稱：「佢兩人成日都有拗撬，但又係好朋友，今次打完後，曹格飛咗去北京做嘢，但知道事態嚴重，所以特別飛返嚟香港解畫，亦係重兄弟情嘅表現。」