好似講數 起飛腳慘叫

該名夜更的士司機姓陳，人稱「阿揚」。他為免麻煩，拒絕現身，但昨日在電話向本報記者講述遭遇時，仍然驚到口震震。阿揚說，前日凌晨一時許，有四個男人在中環蘭桂坊斜路截停他的車，其中三人坐在後座，一人坐在司機位旁，示意要去北角油街。當時他聞到乘客身上有酒氣，開車不久便覺得「唔對路」，其中二人開始口角，繼而愈吵愈大聲，更開始「郁手郁腳」。

記者問阿揚，知否其中兩名乘客便是歌星曹格和側田？他激動地說：「我咩都唔知，我點知佢哋係乜嘢人呀！邊個打邊個到今日我都仲未分到！」（佢哋嗌啲乜？）「點知佢哋嗌乜呀，又中文又英文，都唔知講乜！我又要顧住架車，又唔知佢哋係乜嘢人，佢哋個樣好似講緊數咁！」（有沒有爆粗？）「梗係有啦，爆晒粗，我當時幾驚呀！淨係諗住拿拿聲做完單生意。」

阿揚指，的士駛至金鐘紅棉路美國銀行中心燈位時，「有人係咁用腳撐我個車門」，他於是急速煞車，「金毛」跳落車，隨即折返，起腳伸向車內另一人時有人慘叫，阿揚當時已嚇得不知如何是好。他稱：「個金毛跳咗落車擸架生，好似要開拖，我真係好驚，最驚佢打爛我架車！」

寧不收錢 趕兩人落車

「我怕咗佢哋，我話我唔收錢喇，你哋落車啦。」阿揚稱，當時車上有人仍未下車，有人先掏出二十元給他，之後又再給他二十元，之後便全部下車。（有否看見後事如何？）「攞咗錢梗係踩行油走啦，仲得閒理佢哋咁多咩！」

阿揚稱，以前做清潔工人，之後失業了一段時間，改駕的士搵食有兩、三年光景，以前試過載醉酒佬，但遇到今次這種場面，還是第一次。

市區的士司機聯委會主席郭志標表示，的士司機最怕遇到醉酒鬧事的乘客，乘客在車廂大吵大鬧，會影響司機駕駛，「若果佢哋嘔埋，就真係死埋畀佢哋睇」，故司機一定會即時停車。他指乘客很多時會不付車資「走咗去」，今次事件中的司機最後收回四十元車資，「算係執番身彩」。他又指，若發生流血事件，司機更慘，因為要去警署落口供，「成晚唔使做生意」。另外，醉酒乘客若損毀的士後不顧而去，保險不會賠償，最終也是由司機付錢維修。

■記者朱先儒、李嘉怡