蒙德揚雙喜臨門

同樣獲授銜嘅蒙德揚（David），大女連校服都未換就同媽咪細佬妹一齊過嚟恭喜爸爸，認真乖女，讀緊五年班嘅細仔尋日畀學校選做風紀員，可謂雙喜臨門。身為電器大王蒙民偉之後，David話屋企部電視機有六十吋，但小朋友啲房就無電視無電腦無電話，一家人無秘密。

蒙德揚（右三）與太太（左四）、三名子女及校長徐立之（左二）來個大合照，場面溫馨。 （蘇文傑攝）

左起一至三：柯清輝三位兒子現身撐父親（右三），柯太（左四）更喜上眉梢；施榮忻（右二）同女友人也上前恭賀。 （溫國佳攝）

至於無做大班嘅前恒生銀行副董事長柯清輝，啱啱同太太歐遊完返嚟，柯太話會送禮物同埋食飯慶祝，除咗三個囝囝外，佢哋個寶貝契女Carmen都有嚟，Carmen依家讀緊社會學，佢以契爺為榮，因為契爺對社會好有貢獻，希望將來有契爺咁嘅成就。都啱嘅，柯生退而不休，嚟緊仲會去印尼睇金礦，繼續好好運用自己嘅專業知識。

卓妮