一定要露

呢間位於芝加哥嘅「Q」字頭夜場，屬同區內嘅大型夜場，不少蒲友於周末都會蜂擁到呢個場朝聖，而之所以咁受蒲界歡迎，係因為會場經常有新搞作，玩法啱晒時下年輕人要求。整個會所共分為三層，每一層嘅設計各具特色，底層專門播放節奏輕快嘅音樂，方便一眾男女喺跳舞時互相結識；中層則主力播放搖滾音樂，鍾情「重口味」嘅男女可以喪嗌發洩；而頂層就係Hip Hop音樂，等一眾蒲妹可以盡情跳餐懵！由於玩法夠多，向來已相當旺，最近為夏季「臨別秋波」舉辦一個命名「性感周六」派對，更進一步將爆場情況推至高峰。

呢個「性感周六」派對名好普通，但規矩多多，大會講到明只歡迎性感男女入場玩。究竟大會係點判斷入場人士性感呢？負責人Alferd表示，原來早已有Dress Code，穿套裝、運動服等人士一律唔畀入場，相反背心、迷你短裙、透視甚至無上裝等造型則無任歡迎！

免費入場

而大會亦會為呢班性感男女提供入場優惠，晚上十一點半前免費入場，過後亦只收二十美元，比一般細場仲要抵玩，故此呢個主題派對一出，就引起唔少性感蒲友換上小背心，大晒上圍益街坊，務求免費入場玩餐飽！

而另一個吸引蒲友玩樂嘅原因，係大會擺下「舞后擂台」，由現場蒲友喺舞池內選出十位冶艷性感又跳得嘅女蒲友，即席上台一展身手，邊個能夠獲得台下最高歡呼聲，就可以成為當晚舞后。雖然係無獎品，但對鍾意跳舞嘅囡囡嚟講，舞后擂台簡直係一個盡騷本錢嘅好機會！而對男人嚟講，擂台簡直係明睇嘢嘅好時機，眼前一對對大奶左搖右擺，激烈舞動，試問點會唔開心，更有不少人趁靚女落台後，乘機飛撲埋去同佢哋跳舞，聽講好多時仲會有下文添！

針插唔入

當晚人流真係針插都唔入，與會嘅蒲妹美寶就表示，由入場到離開，被抽水次數不計其數，阿妹話：「我喺門口已經被『食蕉』抽水，對方問我有冇着底褲，然後就彈咗我條T-back一下，不過見佢咁靚仔就無所謂。入場後，男士都好似色狼咁，攞正牌逼向女士，但的確整個舞池都無位走，唔想被抽水，惟有離場！」為咗尋開心，囡囡被抽水都冇計，而男蒲友就認為派對好玩在夠多女，一位食到好嘢嘅玩家拜恩話：「玩乜都冇所謂，最緊要係夠多囡，事關當天氣一冷，蒲妹就會自動減少，到時想逼都冇機會，所以依家有機會就要喪抽水，就算畀對方摑都值得！」呢啲究竟係乜嘢心態！

撰文：祖