尋日一眾嘉賓五點幾就到場，不過身為指揮嘅梁卓偉一早就到埗。綵排期間，梁卓偉對每個細節都好着緊，佢不時穿梭於合唱團同管弦樂團之間，又提醒合唱團，由於現場太過吸聲，會出現大約十分之一秒嘅回音，所以絕唔能夠唱得太快。

唔單止考慮到音響，梁卓偉連畫面都兼顧埋。事關演奏期間，大銀幕會播出放煙花嘅片段，但因為條片播完後，銀幕就會顯示番日常見到嘅電腦桌面。梁卓偉認為咁樣唔好，所以要求啲工作人員喺完結一刻銀幕變番漆黑一片，或者播番現場嘅情況。

到正式表演嘅時候就先由管弦樂團演奏樂曲《黃河頌》，再由合唱團唱出《歌唱祖國》，演奏總算順利進行，作為指揮嘅梁卓偉總算鬆一口氣啦！