房屋署近年推出全方位勘察、維修計劃，聲稱提升公屋質素，實則「只係得把口」。一名公屋住戶多年來飽受天花滲漏困擾，多次向房署反映仍未有改善，早前更被掉下的石屎擊中頭部。住戶坦言因家住「危樓」而惶惶不可終日。關注團體批評房署跟進滲漏緩慢，令住戶失卻應有保障。
鍾女士入住柴灣興民邨民富樓已近八年，以為終可與兒子覓得安樂窩，未料卻遇上百般折磨，「個廚房差唔多喺四年前就開始漏水，整完又輪到廁所漏，真係一間爛屋！」○七年十二月，鍾再發現廁所天花有滲水迹象，要求房署維修後，情況非但未有改善，天花更不斷剝落。鍾雖一再要求房署跟進，惜遲遲未有回音。
今年七月中，鍾在如廁期間聽到上層單位傳出陣陣鑽地之聲，未幾即有一大塊石屎從天而降，鍾即時「中頭獎」，「真係嚇死，塊石屎大過我塊面，我仲以為今次實死梗！」鍾即時報警，並被送往急症室救治，身體雖無大礙，但卻怒火中燒，「（房署）拖咗咁耐都唔理，依家搞到石屎都冧埋！」事後鍾再次向房署投訴，結果卻令她更為勞氣，「佢哋（房署）居然話『你寫信嚟先可以開FILE（檔案）』，真係離晒譜！」受事件影響，鍾坦言精神與情緒均受困擾，現需定期往醫院覆診。
拖慢維修嘥公帑
「可能公屋漏水個案太多，搞到房署見怪不怪！」公屋聯會主席王坤狠批房署跟進滲漏個案緩慢，令公屋住戶蒙受不必要困擾，「拖長啲嘢唔處理不但只會增加日後維修費、浪費公帑，仲會直接影響樓宇結構，住戶安全分分鐘冇保障。」王指現時不少公屋已呈老化，房署應及早制訂維修政策，並積極跟進，保障住戶安全。
處理疏忽可索償
就有關索償問題，法律界人士黃國桐指出，房署作為公屋大業主，有責任保持公屋結構安全，當事人可以房署處理疏忽及欠缺跟進為由，循民事訴訟向房署提出索償，有關索償追溯期為三年。
房署發言人表示一直有跟進鍾女士之投訴，今年六月再接獲鍾投訴廁所天花滲水個案，檢查後認為需為上層單位廁所進行重鋪地台防水工程。施工當日，該署職員得知工程令鍾氏單位天花石屎鬆脫，已即時跟進，及後亦安排維修。發言人又稱，今年一月至七月，該邨有卅多宗廁所天花滲漏個案，大部分與防水層破損及防水結構老化有關。
■記者徐曉敏