據知陳生嘅病情似乎唔輕，仲一度入醫院治療，不過就唔清楚係乜嘢病。有知情人士就證實，陳太喺早一個禮拜為咗照顧老公，幾乎終止晒所有對外同對內活動，除咗缺席泛民「武林大會」，連佢同私人辦公室職員每周定期舉行嘅內部會議，以及喺網上同報章刊出嘅每周專欄，都全部暫停。陳太原定喺本周飛往美國，展開長達個多月嘅美加巡迴唱衰香港之旅，依家亦被迫押後，部分演講活動需要取消同改期，未知幾時先可以重新啟程。

不過亦有消息指出，陳太喺最近幾日都有活動，但係就唔知陳生係咪已經康復同出咗院。陳生對上一次公開露面，係喺今個月三日出席陳太叔父方心讓嘅喪禮，當時陳生雖然容貌消瘦，但尚算精神同行動自如。