「返工等最辛苦」

在啟寧樓居住的郭女士是傷殘人士，以輪椅代步，由於無升降機到達所住樓層，她要上落一層樓梯才能返家。房署特別添置一部俗稱「怪獸機」的機器協助傷殘人士上落樓梯，但每次使用都要通知屋邨辦事處，安排保安員將「怪獸機」帶到所需樓層。她說：「我試過用一次，可能保安員唔太熟悉操作，差啲搞到我失重心跌低，以後唔敢再用。」

她惟有先到與啟寧樓互通的啟祥樓乘升降機，再由保安員為她打開兩座共用的垃圾房鐵閘，經過又髒又臭的垃圾房後，幾經轉折才能回家。「落一次街都要搵保安員幫手，搞到我唔敢落街，依家索性搬去朋友屋企住。」

育有一女的陳太也苦不堪言：「我日日要上落一層樓梯，同個女落樓玩，仲要幫佢拎埋部單車，不過最慘都係啲公公婆婆，我見過有婆婆行樓梯跌親！」

「返工時間等就最辛苦，起碼要等十分鐘先入到！」啟賢樓住戶張小姐每天七時許出門上班，但只有一部升降機到達，經常出現「人滿之患」，要「死逼爛逼」才能入。