13/09/2009

播放本新聞相關短片

政情：陳家強盲目樂觀焗補鑊

港府財金高官早前發表「曙光論」，引起外界批評盲目樂觀，不知民間疾苦。有份話金融海嘯結束嘅財經事務及庫務局局長陳家強，尋日就上電台節目補鑊，雖然佢仲死撐金融危機已經解除，不過今次就多番強調復甦之路仲有好多不明朗因素，首先佢擔心美國人消費力下降影響本地出口，之後又話失業率滯後於經濟復甦，所以本地失業率或會再升。政府想谷行樂觀氣氛為施政報告唔派糖鋪路，依家見勢色唔對就諸多解釋以求令民怨降溫，咁嘅處事方法，難怪管治班子民望屢創新低啦！