■記者 梅可茵

青衣區長幼者眾，對救護服務需求殷切，抽調人手勢必影響服務。	青衣居民不滿當區救護資源被削減，日前以請願形式表達不滿。 （徐曉杰提供）	李婆婆：「我親戚試過叫白車，呢啲服務真係好重要，政府要減都唔應該減呢啲開支！」

救護資源緊絀，原已「七個蓋冚十個煲」，但消防處仍削減現有救護站人手，以應付新開設救護站。葵青區區議員徐曉杰透露，日前接獲消防處於八月中向葵涌、青衣及荃灣救護站發出之信件，要求抽調十八名救護人員，更由大埔救護站指揮，當中十五人會被調派往上水古洞石仔嶺花園臨時救護站。

徐於八月中亦曾聯同個別區議員與消防處開會，席間證實青衣救護站日間救護車數目將由六輛減至四輛，晚間則由三輛減至兩輛，「開刀」原因與救護車十二分鐘內到達現場的高達標率有關，「佢哋話青衣達標率太高，有九十六點幾個百分比，所以有空間cut（削減），咁都係理由？」

員工士氣低 驚市民失救

削減資源令救護人員士氣大受打擊，徐曾接獲四名青衣救護站人員申訴，「佢哋話啲救護車原本已經好殘舊，依家仲要減人減車，好驚有日因為冇車冇人而令市民失救！」

一名不願透露姓名的新界區救護員踢爆消防處每次削減資源都是「神不知鬼不覺」，把居民蒙在鼓裏，而消防處近年把大部分資源投放在增加消防設備上，導致救護站人手資源杯水車薪，「佢哋認為消防車可以一次過救好多人，白車就淨係救得一個，所以就分得好少（資源）去我哋度！」

只為整靚條數 漠視需求

「審計署之前話有啲區嘅白車達標率唔夠高，消防處為咗整靚條數，咪將達標率高嘅地區資源調去唔夠嘅地方囉，但係搞嚟搞去，都係七個蓋冚十個煲！」消防處救護員會副主席屈奇安承認，消防處一直對救護站需求視而不見，只着重為消防局增加資源，同僚面對目前境況，加上救護車「死火」及調派三級制等問題，早已士氣低落。

對於削減資源有礙救護之指控，消防處發言人未有正面回應，但承認由於新界東對緊急救護服務需求不斷增加，而青衣區緊急救護服務表現長期超出目標召達時間，故可以調配至新界東紓緩該區未達標之情況。