低胸短裙
小記讀書時代都做過辦公室助理嘅暑期工，每日都要穿梭中上環一帶交收文件，每次經過人來人往嘅街道，都會欣賞到一班白領麗人行來行去，佢哋個個打扮光鮮，加上適當化妝，更顯得美艷動人！
來自澳門中×城嘅靚女娜娜話：「OL吸引人嘅地方，主要來自一身套裝，呢種外套剪裁往往剛剛好，只要扣埋鈕，就能夠顯得女仔腰肢纖幼，若果上圍有番咁上下斤両嘅話，仲可以襯得上圍更加豐滿！如果裏面加一件略為低胸嘅小背心，即時顯得波濤洶湧添o架！好似我咁，外面一件外套，裏面只係戴個胸圍就特別性感誘人喇！另外，有好多女士嘅套裝都會選配短裙，咁就可以凸顯雙腿更加長，再配埋高跟鞋，仲可以令身材睇落特別修長！」
西裝骨骨
咁如果男人想為女伴帶點新意，勾起女伴嘅遐想又可以點做呢？
娜娜嘅好姊妹小雪就話：「咪同女仔一樣換番一套斯文西裝囉！老實講，作為女人我都知道女仔偏愛一身西裝，談吐斯文又有風度嘅男人，因為睇落去會覺得佢哋成熟穩重，而且仲會好有米，因此能夠畀我哋安全感。如果你平常份人粗粗魯魯嘅話，不妨忽然換套西裝同女友或老婆食飯，一定可以令佢哋覺得好開心o架！當然，食飯食得咁開心，夜晚返到屋企肯定精力旺盛，跟住即刻捉住你交手三百回合先肯收手啦！」
招呼老闆
一套西裝喺身，出街都不時聽到有服務員老闆前老闆後咁打招呼，真係聽到成個人都飄飄然呀！娜娜呢個時候又話，就係因為男人有咁重嘅虛榮心，所以要令男人覺得冧，一定要當佢哋大老闆一樣看待。娜娜話：「男人就最講面子喇！如果對待佢哋嘅時候，令佢哋覺得自己高人一等，咁就滿足到佢哋嘅虛榮心喇！就好似我咁，對待每一個男友，都當佢哋好似老闆咁招呼，而自己就扮到成個女秘書咁，幫佢哋打理瑣碎事務，差唔多每件事都要問佢哋意見，例如『杯奶茶落幾多包糖呀？』、『今晚服侍你沖涼好唔好呀？』之類，將話事權交畀佢哋，咁佢哋自然就覺得高高在上，然後好樂意咁向我施以淫威喇！」
靚女表示，OL套裝相信能夠帶畀男人極大誘惑！
小雪小檔案
年齡：21
三圍：34、23、34
興趣：睇電視劇
娜娜小檔案
年齡：22
三圍：33、23、34
興趣：睇小說
撰文：賢
攝影：賓