本文重點
【專案組報道】「第一次學做美甲，磨到啲甲根損晒，好痛又流血」、「啲gel將腳甲連肉黏住，照燈照到隻腳好赤痛」。近日在網上出現很多在家中自行美甲失敗的求助個案，反映貪靚女士「學藝未精」，弄致損手指爛腳趾收場。皮膚科醫生警告，美甲、修甲工夫做得不好，隨時令甲床受真菌感染引致甲溝炎，令指頭變得又紅又腫甚至含膿，要數星期才能康復。
在美甲熱潮下，不少貪靚女士為節省到美甲店美甲開支，購買物料及工具回家，實行「照辦煮碗」充當美甲師，豈料換來慘痛教訓，結果自家美甲出事個案暴增。
「好多客人無學過美甲，就自己買工具做，點知就出事，搞到手指腳趾又紅又痛，到頭來咪又係要嚟搵美甲師救命！」身兼美甲學院和美甲店負責人的張翠儀表示，該店去年至今便累積接到五、六十宗客人「求救」個案。
過度打磨出事
張補充，美甲工具雖然輕巧，但未經學習和足夠訓練，使用時潛在一定危險，客人過度打磨指甲導致受傷情況十分常見：「佢哋唔知應該喺乜嘢位置打磨，以為要徹底磨走晒舊有嘅gel，結果磨到『過晒火』，指甲被磨得太薄，令甲面又紅又痛，痛到連銀包都拎唔到。」
皮膚科專科醫生史泰祖表示，指甲本身有保護甲床作用，磨得太薄或導致損傷，就有機會受細菌和真菌感染，導致甲溝炎，此類情況在夏季會更嚴重。