本文重點
【本報訊】賭王何鴻燊跌傷頭部於港安醫院接受治療已有一個月，康復進度令人滿意，就連二房的何超儀也大讚父親厲害！何超儀昨日出席一個公開活動時，被問及賭王現時可進食甚麼時，她說：「唔方便透露，佢好好。（佢認得人嗎？）呢啲唔講得，但係超乎想像咁好，佢厲害過一般老人家，好勁！」
對於有傳要隔着玻璃探病，超儀表示：「我唔知，唔知其他人點探，（你探要隔玻璃嗎？）我覺得家姐嘅安排係為佢（父親）好，完全會尊重屋企嘅決定。屋企人多勢眾，一窩蜂去唔係咁好，大家爭空氣。」
要一段長時間治療
至於賭王何時出院，超儀說：「咁大件事要佢好番，都要一段長時間去治療。（療養期好長？）你話呢，我相信唔會短。」
另外三太陳婉珍及二房的何超鳳昨天也到醫院探望賭王，四太梁安琪前晚則偕同兒子何猷君一同到醫院，逗留至凌晨才離開。