重返制水年代

一個月內三度發生水管爆破事件，令元朗大棠路禮修村居民陳先生飽受斷水之苦，「三次都係村口公廁對出爆，次次都要拎住個水桶去水車排隊攞水，好似返咗去幾十年前制水嗰陣咁！」陳指其中一次爆水管事件發生於晚上七時左右的晚飯時段，實施封路措施期間，所有車輛須改行大旗嶺道，連巴士站運作亦大受影響，對村民造成諸多不便。另一名村民李婆婆亦埋怨道：「住咗廿年都未發生過咁嘅事，近呢一年就成日爆水管，都唔知點解會咁！」

在大棠路經營士多兼售小食的黃先生因缺水叫苦連天，「次次停親水都影響到啲水壓，搞到啲水好弱，又冇水洗碗，連生意都做唔到！」黃質疑問題源於水管老化，即使維修亦治標不治本，要求水務署盡快更換水管，以免村民再受斷水之苦。

「成日爆水管唔單止影響村民，仲搞到啲交通亂晒，啲損失係咪水務署賠先？」立法會民政事務委員會委員陳克勤稱，現時不少地區正面對水管老化問題，但水務署擬定的更換水管計劃卻進度緩慢，認為當局須正視問題，否則將隨時激發民怨，「依家唔係七十年代，成日冇水用絕對接受唔到，隨時會有人上街抗議！」

靠修補不治本

香港水務專業協會主席鄭偉昌解釋，設於馬路旁邊的水管受馬路車輛震動影響，加上水壓不穩，較其他位置更易出現變形甚至破裂，由於難以檢查及量度地下水管的損耗，令爆水管機會大增，「如果條喉一個月內爆幾次，已經夠晒證明水管老化，要成條喉換晒，修修補補絕對解決唔到問題。」

對於未有正視水管老化問題之指控，水務署發言人未有正面回應，但承認有關水管爆破與老化有關，並已將大棠路水管納入第二階段水管更換及復修水管工程，工程預計於九月展開，為期十個月。一般情況下，該署會定期檢查重要閥掣可靠程度，及在區域檢測區配水系統中進行持續監測，再找出水管滲漏位置。

■記者 梅可茵、黃詩雅