25/08/2009

播放本新聞相關短片

政情：小霍誤摑劉明光一巴？

東亞運火炬接力跑最後一棒地點惹起爭議，政府尋日開記招解釋東亞運賣飛情況，側側膊宣布埋火炬跑改路線，將最後一棒及點燃火盆地點由無綫電視城改為金紫荊廣場，民政事務局副秘書長劉明光話呢個係東亞運籌委會嘅決定。點知東亞運籌委會主席霍震霆下午爆出另一版本，話朝早收到政府通知話要改地點，變相刮咗劉明光一巴掌。小霍可能自知太「坦白」，夜晚主動澄清係自己「記錯咗」，澄清話改路線係尋日朝早佢同政府官員透過電話作嘅共同決定。究竟真相係點？