可惜，布達拉宮海拔三千七百米，風勢極大，身嬌肉貴嘅自由黨核心，一入廁所，一股腥腥哋嘅氣味即刻撲鼻而至，對呢個「驚」人發現敬而遠之，寧願落山至解決，據講只有「田少」田北俊和二少田北辰「勇」字當頭，對呢個窿面無懼色。

今次自由黨遊西藏，帶有政治色彩，又見埋自治區黨委書記張慶黎，又喺高原薄空氣下搞腦震盪，思索地區發展前路。喺香港，自由黨內部則傳出新界東支部不和的消息，有人對方國珊打算喺二○一二年出戰立法會新界東有意見，話按照黨內傳統，方國珊唔係直選區選員，無資格排頭位選立法會。方國珊則回應，未聽過有呢個傳統，強調自己搞咗好多地區工作，去年都排喺田少後邊，參加過立法會直選。