救護車頻頻「死火」暴露全港有近半救護車車齡過高、影響救援，有消防員直指現時處方「七個蓋冚十個煲」，為應付新開設救護站而削減青衣救護站的人手及救護車數目。救護員工會踢爆青衣救護站被削資源只屬冰山一角，當區區議員擔心削減救護站資源不但令救護人員士氣大減，亦會危及市民生命，居民分分鐘「打999冇白車」而丟命。
現時青衣區內僅有一個救護站，日間有六部救護車、一部救護電單車駐守；晚間則有三部救護車當值，為區內十五萬居民提供服務。
擔心打999冇車到
不過，青衣居民黃先生日前陪同友人乘坐救護車前往公立醫院途中，聽到救護人員談及青衣救護站部分救護車及人手將抽調往其他救護站，言談間更顯得憂心忡忡，「我聽到佢哋話依家嘅人手已經係『十個煲、七個蓋』，如果仲調咁多資源去第二度，就會瞓都冇得瞓，真係戥佢哋慘！」但黃最擔心的還是資源調撥後，將影響青衣區內的救援，令居民「叫天不應、叫地不聞」。
「我真係好驚見到，有一日居民call（召喚）白車嗰陣，會因為冇車而失救！」當區區議員徐曉杰指出，目前青衣人口約有一成為長者，使用救護車的比率較高，擔心區內唯一救護站削減資源後，不但影響救護人員士氣，更危害居民安全。徐承認曾接獲居民反映當局有意削減青衣區救護車一事，但消防處卻一直秘而不宣，「有咩理由減車咁大件事都唔喺區議會講？好明顯係想側側膊唔多覺，減咗先算！」
抽調車輛整靚盤數
消防處救護員會副主席屈奇安透露，早已獲悉青衣救護站部分資源或被調往即將落成之美孚新救護站，而相同事件亦曾於○五年落成之寶馬山及竹篙灣救護站出現，「嗰陣兩個救護站都有四部救護車，為咗整靚盤數唔超支，咪要喺其他救護站抽車囉！」屈奇安表示，內部調撥令不少地區救護站資源愈來愈少，「遲啲搞埋三級制，緊急嗰啲要喺九分鐘到，到時啲同事仲更加做到有氣冇碇抖！」
對於削減救護資源之指控，消防處發言人未有正面回應，但承認現正檢討新界區緊急救護服務，如有需要將按照需求調配資源。
■記者 梅可茵