本文重點
人大考察完山西煤礦後，近日陸續返港抖暑，港區人大代表雷添良（Tim）前日單拖現身中環置地廣場逛街輕鬆吓，佢自爆近日做咗「空中飛人」，繼月前飛去東京、上海、山西後，好快又起程去新加坡。何解咁頻撲？之唔係因為攞到超筍機票囉。
Tim雷笑騎騎話，佢以一千元攞到平機票飛新加坡，架飛機係最新型號嘅A380空中巴士，雖然要屈就坐經濟客金及一對仔女同行，等仔女趁機擴闊眼界，見識吓獅城繁華風貌喎。
幫婆婆做盲公竹
卓妮同Tim雷傾偈期間，發生咗一段小插曲。話說當佢行到去太子大廈時，突然遇到一位婆婆眼碌碌望住佢，Tim雷主動問對方係咪唔識路，婆婆喜見遇到支盲公竹，興奮地遞上地址查詢，Tim果然無托手㬹，攞住個地址喺商場「水牌」查閱一輪後終於搵到答案，佢盡顯紳士風度，仲帶婆婆去埋目的地添。Tim咁體貼，下次各位姊妹喺中環迷路，如果咁啱遇着佢，就千祈唔好客氣喇。
卓妮