尋日撞到喺中國會食完飯嘅祿哥，同佢傾起買書心得，原來祿哥係「書癡」一名，早前去北京公幹已狂掃大堆新書，加埋今次書展嘅「戰利品」，分分鐘塞爆家中書櫃。

祿哥話多年來買落唔少書，至今已有「書滿之患」，部分舊書已透過慈善機構捐畀有需要嘅人，等書櫃騰出更多空位再添新書。祿哥樂善好捐書，佢會將一啲睇過一次後無乜機會再睇第二次嘅書轉贈他人，亦會將一啲標題睇落好吸引、但睇真啲又唔多鍾意嘅書捐出去。

不過佢有二類書一定唔會捐，第一種係人哋送贈嘅書；另一種就係有朋友簽名嘅書。正所謂「物輕情意重」，朋友送贈嘅心意，祿哥又點捨得隨便丟棄呢！