讀本報「正論」：「粵港合作只務虛，西九大計枉自嗟」，令人更覺港府口水多過茶，願景多多，廣深港高速鐵路由黑髮少年會議到白髮殘年，香港仍然得蕉一梳。人家廣東坐言起行，冇得身痕，說幹就幹，預計明年通車；而香港依然好像小學生見家長，班主任苦口婆心：「令郎今次考尾二，再努力些，仲有好多進步空間㗎！」

香港高官愛吹又欠缺問責精神。事實勝於雄辯：每周一鑊的周一鑊，論鑊行賞——係咁以精神鼓勵鼓勵，整個金紫荊星章佢威吓！又好似個「資深政務官」康文署署長周達明，管樹樹殺人，管鼠鼠為患，滅蚊蚊孳生……孭鑊愈多，升官愈快，佢又升上D8嘅發展局常任秘書長喇！多謝政治化妝師，它可以把一個庸官變成能臣！

香港已成為一個反智社會，常理迷失。官場的領導才最聰明，像這個例子：領導到一個困難企業調研，問一職工：「能吃到雞蛋嗎？」職工：「去年有段時間能。」（那段時間禽流感，蛋賤豬肉貴。）領導：「能吃到豬肉嗎？」職工：「今年這段時間能。」（這段時間鬧H1N1甲型流感，肉賤雞蛋貴。）領導：「很好，很好。企業在如此困難時期，職工還能吃得有葷有素，民生工程搞得不錯嘛。」

根據此種領導的「調研」，香港沒有庸官，犯錯愈勁，孭鑊愈多，進步空間愈大，升官發財冇問題！