本文重點
【娛樂組報道】「我同班外國朋友去Volar飲嘢，點知搞成咁，啲差人又遲到，佢哋問香港啲治安點解咁差？」陳加玲事後接受記者電話訪問，憶述當時友人遇襲經過，最不滿是要兩度報警才見警員到場，令友人對香港留下壞印象。
陳稱，當時步離的士高，對面酒吧約五至六人坐出面，當中有亞裔及外籍人士，有人大聲向他們喧鬧，似在搞事，其兩名外籍友人斥責對方無禮貌，豈料有人即掟薯片及吐口水，還執起玻璃樽衝出。
她見狀立即致電999報警，並衝前攔阻對方及向他們聲言已經報警，惟對方未有理會，六名醉漢繼續追打其友人，期間她仍未見警員，故再度致電999報警，至十多分鐘後才見警員，但兇徒已經逃去，受傷友人其後質疑香港治安差勁。
淡出影圈進軍商界
陳加玲是藝人陳秀雯的胞妹，八十年代與袁潔瑩、李麗珍及羅明珠組成「開心少女組」，參與電影《開心鬼》系列而被認識，後來漸漸淡出娛樂圈，在商界大展拳腳。