香港建築名聞世界，青馬大橋、國際金融中心（IFC）及赤鱲角機場等地標式建築物，喺世界上響噹噹。難怪唔少外國公司興建新總部時也會來港取經，更有外國公司要求代為在當地「倒模」興建一模一樣嘅建築物，好似近年中東杜拜興建咗唔少金碧輝煌地標式建築物，香港建築公司都分到一杯羹，有份參與興建。在行內經營多年嘅香港建造商會會長黃天祥話，工程會帶來滿足感，好似自己有份參與興建赤鱲角新機場嘅控制塔，依家每次搭飛機經過見到個塔，不期然感到自豪。
黃天祥爆料話，杜拜係回教國家，國民大部分為虔誠回教徒，唔單止唔食豬肉，每日仲要五次祈禱，到當地發展都要嚴守「清規」，到咗祈禱時間，工地就要暫時停工，每星期五也要畀當地工人放假做禮拜。不過香港人好講效率，為免影響工程進展，唔少本港公司到當地做建築工程時，會特別聘請其他國籍人士，確保地盤每日都有工人上班。雖然唔同國籍、宗教工人處於同一地盤，但佢未聞有工人因為宗教問題發生糾紛，工程好順利喎；睇嚟比我哋嘅漢族同維吾爾族相處得融洽好多噃。