燊哥尋晚單拖出席喺大會堂舉行嘅中美建交三十年圖片展，卓妮追問佢點睇唐唐早前回應「十賠一」言論，佢話自己唔係咁大賭心，只係服務市民，好似唔多領情咁。燊哥一於借咗聾耳陳隻耳，專心睇展覽，仲同身邊負責做「臨時導遊」嘅唐唐頻頻咬耳仔，兩人傾乜就唔知嘞，不過從燊哥謹慎嘅言行推測，唔知係咪因為怕講得太多會累事呢？

盧文端望新校快上軌

同場仲有啱啱接辦「基督教臻美」嘅福建中學校董會主席盧文端。問佢負責新校交接有否壓力，盧文端話，依家正處於磨合期，希望同班教職員多啲溝通，令新校盡快上軌道，總之現時以不變應萬變，任何改革都要兩年後再檢討。

佢又話，新校改名為「福建中學附屬學校」，事前有徵詢臻美創校校監黃英琦，而黃乾亨先生因為唔喺香港，所以問唔到佢老人家意見喎。

卓妮