《大白鯊》妙喻毒禍

平時公布呢類調查，都係交代啲數字，講吓現時制度嘅問題，再畀多幾項建議就完。田二少決定搞搞新意思，等大家無咁悶。當佢啲黨友介紹禁毒基金申請程序有幾僵化嘅時候，佢即刻反問：「唔係嘛？你喺邊度聽返嚟㗎？」講到正生遷校選址嘅爭議，佢又扮唔知點解正生一定要喺社區辦學，仲問點解唔可以喺大帽山開學校添！

田二少仲將校園吸毒問題比喻為電影《大白鯊》，話戲入面啲人一開始見到大白鯊都唔敢同人講，驚畀人發現會影響旅遊業，提醒大家唔可以對毒禍視而不見，如果唔係最終結果就會好似大白鯊咁，害死好多人！