七月七日原本是個傷感的日子——七十二年前的「七七事變」，日本全面侵華的開始，踏出它鯨吞中國野心的第一步。如今，在邱騰華的精心策劃下，要膠袋用，一個五毫，市民被懲罰性地徵稅。七月七日，另一個叫人感傷的日子！老朽原本用超市的手挽膠袋做垃圾袋，若然沒有殘羹菜汁倒入，則到後樓梯倒入公用的垃圾桶後，又攞入屋再用，老朽自問：咁都幾環保呀！

七月八日，我去超市買橙及貓罐頭，十二個橙分裝三個透明冇手抽的膠袋，四罐貓雞肉罐頭亦用一個透明冇手抽膠袋，即合共用了四個；往時，老朽就咁放在購物車上，一個手抽膠袋已ＯＫ，為了避開懲罰性膠袋稅，我被折騰用了四個透明膠袋，冇手抽，只好當練鷹爪拳（切勿誤會，老朽並非想學做加騰鷹，要學，都學按摩喇，蠢豬豬），說不定日子有功，可練成少林絕技「一指禪」！

超市收銀的阿姐話：今日呢啲膠袋特別搶手！老朽還以為自己特別聰明，原來我精他都精，咁又避過懲罰性膠袋稅。施家煮婦話：慳得五毫得五毫，家陣你估好似鬍鬚曾話齋見到經濟復甦嘅曙光咩！邱局長假假地一年為庫房搵多兩億，佢就真係有功喇，來年授勳名單，佢唔攞大紫荊勳章都攞金紫荊星章啦！

施家煮婦忽然咁鬼清醒，無以為贈，只好講個笑話氹佢開心：深夜，王醫生家的電話響起。「是王醫生嗎？我們家三個月的寶寶，不小心把安全套吞下去了！」電話是一對年輕夫婦打來。顯然，他們萬分不安，不敢叫白車，因分不清屬於哪一級。「上帝呀！我十分鐘趕到。」醫生正準備出門應診，電話又響了：「醫生，你不用來了！」「太好了！孩子能把安全套吐出來就好！」「不！我們又找到了一個新的安全套……」

期待新的紙挽抽袋快點問世！