象哥之所以咁勇猛，除咗此行係由當地政府邀請，有安全保證外，最大動力就係秉承父親在貧窮地區辦學嘅遺願，考慮捐錢在當地興建學校。

象哥爸爸生前好關心內地教育，分別在全國最貧窮嘅貴州及新疆捐錢興建逾八十間學校，臨終遺願係希望能夠興建過百間學校，做孺子嘅象哥一片孝心，於是與哥哥姊姊合力達成父親遺願，多年來在內地累積興建超過一百二十幾間學校，超額完成。

最近新疆政府邀請象哥到當地視察，估計係游說象哥再「加碼」捐錢起學校，或者到當地投資。

象哥話，今次視察新疆情況外，仲會趁機會同一家大細到處遊覽。對於當地暴亂引起嘅安全問題，象哥話，由於下月先至起行，估計到時局勢已回復穩定，加上有政府接待，安全應該唔成問題，但為穩陣起見，佢話訂機票前會先了解最新局勢，如果當地政府都勸佢唔好去住嘅話，咁就證明好大鑊嘞！