目前食環署轄下靈灰安置所合共提供約十六萬八千個靈灰龕位，但可供申請的重用龕位只有八十四個，輪候申請人數逾萬，平均約一百二十人爭一個龕位。而最近落成的鑽石山靈灰安置所雖提供一萬八千五百個龕位，但申請人數逾二萬二千個，全數編配後仍有逾三千五百個申請落空，而舊有輪候者亦需重新申請，才可獲抽籤編配。

邱女士之家人於年初病逝，早前抽籤申請龕位落空，先人骨灰只能繼續存放殯儀公司內，「食環署話下一批骨灰位要喺三年後至起好，依家都咁多人抽唔到，三年後仲點爭？」邱不滿政府規劃失誤，卻由市民承受惡果。

推莊畀私人機構

念及家人安葬無期，邱女士感慨地說：「市民生前有交稅，有貢獻過社會，結果死咗之後搵個地方擺骨灰都冇，呢個係咪香港政府應該有嘅態度？」政府骨灰位供不應求，邱正擬尋找私營骨灰位安放先人骨灰，惟因私營骨灰位售價不菲，料將為家人帶來沉重經濟負擔。

食環署發言人回應事件時，未有承認規劃失誤的指摘，只重申短期內政府已沒有靈灰龕位供應，預計最快亦需於二○一二年才能在和合石建成三萬多個靈灰龕位。

發言人又稱，除政府興建的靈灰安置所外，私人機構如私人墳場、宗教團體等亦有提供靈灰龕位供公眾使用，市民亦可考慮採用傳統以外的骨灰處理方法，包括將骨灰撒海或撒於紀念花園內，以紓緩對骨灰位的需求。

不過，立法會民政事務委員會委員陳克勤則說，接連發生骨灰公園撒骨灰地點突遭擴建事件後，骨灰公園已令不少市民卻步，「本來撒咗骨灰喺骨灰公園都可以畀市民憑弔親人，但啲改建計劃無日無之，根本唔尊重先人，你叫人仲邊有信心！」

「公屋都按次序」

至於食環署現有的骨灰位抽籤安排，陳克勤亦直指並不合理，「如果抽極都抽唔到，咪等好多年都係冇位！公屋都按申請次序啦，有乜理由申請輪候骨灰位點解唔去考慮時間因素？」陳促食環署應考慮先人過身時間依序輪候骨灰位，令輪候制度更加公平。

「食環署下次要喺三年後先再有骨灰位推出，根本唔夠應付需求！」從事殯儀業的劉志光指出，每年約有三、四萬人去世，但因政府缺乏遠見，未有及早規劃興建骨灰龕，致不少先人無處容身，「有啲先人嘅骨灰放喺殯儀公司十年，都等唔到骨灰位！」劉又指出，和合石橋頭路尚有不少空間，建議食環署考慮在該處興建靈灰龕位，以紓緩骨灰位不足問題。

■記者 徐少琴