目前全港共有二十二個水浸黑點，大埔區佔六個，其中林村更是唯一一個達四級嚴重程度的黑點；至於洞梓路、汀角路及南華莆等地區，亦分別列入二至三級的黑點，對村民生活有着一定威脅。
居於洞梓路圍下村的陳小姐坦言已受水浸問題困擾多時，每逢水浸更必定水深及膝，車輛行經亦被浸至「死火」，「唔使好大雨㗎，好似早幾日，只不過落咗半個鐘已經浸晒，嚟緊嘅雨季肯定浸得仲犀利，渠務署次次都係搵人嚟疏通吓啲渠就算！」陳指水浸期間小巴與的士均為免「死火」而拒絕入村，居民被迫涉水走出大路。
記者翻查渠務署網頁，發現大埔區內多個地點早在九十年代已被列為水浸黑點，洞梓路更在九四年「上榜」，顯示水浸問題已被拖足十五年。
汀角洞梓低窪 雨季變澤國
身兼大埔區議員的立法會議員黃容根直指區內水浸問題非常嚴重，不滿渠務署多年來跟進不力，「十幾年都搞唔好，肯定有問題，好似汀角、洞梓嗰啲低窪地方，一潮漲啲水就高過個渠，落埋大雨根本就冇地方去水；渠務署明知有問題就應該諗辦法解決！」面對雨季在即，黃促渠務署因應問題早作準備，將居民所受影響減至最低。
「如果有心搞，十五年點會搞唔好，問題係渠務署可能覺得鄉下地方人口少，唔肯投放資源啫！」立法會議民政事務委員會成員陳克勤認為渠務署「冇心」解決問題，最終每遇豪雨便要不停搬動傢俬電器避過水患，對居民有欠公平。
拒投放資源 工程治標了事
渠務署發言人表示，由於洞梓近汀角路一帶屬低窪地區，並鄰近吐露港，倘大雨及適逢潮漲，水浸風險便相對增加。發言人指該署已落實進行雨水排放系統改善工程，工程將於今年內動工，預計可於二○一○年完成。
不過，香港工程師學會前會長黃耀新解釋，水流向下而行，理想的渠務工程以深入地底為佳。一個已建成多年的社區需重建渠務設施，困難度與投放資源均不言而喻，「渠務署喺大埔做嘅工程一直都只係治標，亦可話冇辦法唔治標，因要徹底解決全區嘅水浸問題，可能係一個涉及千億嘅大型工程，唔肯投放資源根本冇得做！」
■記者 李世華