華懋一方昨質疑，龔如心「生前對人對自己都係孤寒嘅人，搭飛機每次都係坐經濟客艙，你卻一般坐頭等？」陳振聰承認會坐商務或頭等艙，後來更擁有私人飛機，「但依家賣咗」。 陳稱，○六年曾訂購私人飛機，想讓龔飛往新加坡醫病，「但○七年後遺憾冇機會用」，他還說，告訴龔買該機時「畀佢鬧」，龔說「一個人坐幾嘥錢」。陳否認購買私人飛機是天文數字，「三千萬美元，作為私人飛機咁上下」。

陳稱，○六年前曾有一艘遊艇，之後有兩艘，但「有一架小型嘅剛剛賣咗，因為冇用」。陳更指一直有駕駛直升機，惟○五年底後已沒有駕駛。

據陳振聰的日記披露，○七年三月十四日，他在香港仔遊艇會首次出海試船，○七年三月三十一日上午十點，全家人更乘坐私人飛機往北海道，但陳稱那次他沒有去，因為龔如心當時情況不太好。

稱龔不反對奢華生活

華懋代表律師昨指陳振聰「你嘅生活有錢同出名」，陳稱「依家先出名」。對於龔是否贊成他過奢華生活，陳稱「我絕對講佢係同意，佢冇鼓勵，亦冇反對」。律師昨又追問陳「睇風水有冇報稅」，他稱「振業興隆堂喺九二年登記，但開咗幾個月就解散，短短幾個月，冇正式收費，只係收過客人嘅利是」，陳的律師指問題與案無關，要求法官警告陳不報稅會構成刑事罪行，華懋一方堅持問題可顯示陳是否可信，法官說：「如果係咁，唔使花更多時間喺呢度。」