六四燭光晚會支聯會報數十五萬人，但係警方堅稱唔過六萬三千人，一半都唔夠，主辦單位被人話報大數，激到紮紮跳。世界輪流轉，警察為五斗米問題星期日三十二年來首次上街，有議員尋日群情洶湧，話會
實遊行主辦單位會唔會報大數。
實遊行主辦單位會唔會報大數。
平時市民遊行，警察就會攞住部Cam監視，點算人數，俗語話：剃人頭者，人亦剃其頭，周日輪到班佗鐵阿蛇上街，大家可以掉轉角色，直擊遊行人數達唔達標，平時幾萬人就話啫，就算多到二千人，唔使靠警方嘅官方統計數字啦。
立法會議員尋日回應警察遊行消息，表現得好興奮，佢哋唔係擔心遊行對交通、治安嘅影響，而係講明會實呢班佗槍阿蛇點樣處理遊行人數。職工盟李卓人話，市民平日參加六四、七一遊行，主辦單位報稱幾多人參加，警方公布嘅統計人數，都慣性斬走一截，搞到主辦單位成日被人話報大數，今次好囉，終於等到休班嘅警察自己遊行，究竟休班警察報稱人數多少，同警方官方報稱人數有幾多差距，都實在夠晒有趣。